SAP ERPSim Game Student Friendly Competition 2023

STARS International University jamoasi (birinchi va ikkinchi kurs talabalari) 15 iyun kuni Kanadaning Monreal shahrida bo'lib o'tgan global SAP ERPSim Game Student Friendly Competition 2023 turnirda ishtirok etdi. Shuni ta'kidlab o'tish lozimki, mintaqaviy saralash bosqichida STARS eng yaxshi 3 ta universiteti qatoriga kirgan edi va finalda Westminster International University in Tashkent va Astana IT University jamoalari bilan bir qatorda bellashdi.

 STARS International University talabalari AQSH, Kanada, Buyuk Britaniya, Avstraliya, Italiya, Ispaniya, Portugaliya, Finlyandiya, Chili, Meksika, Marokash, Xitoy, Indoneziya, Vyetnam universitetlari bilan bellashib, mintaqaning boshqa 2 ta universitetlaridan ustun kelgan holda 13-o'rinni egallashdi, hamda O'zbekiston va mintaqani yuqori darajaga olib chiqishdi.

 Talabalarimiz jahon arenasida O‘zbekiston nomidan qatnashayotganidan juda faxrlanamiz. Ular qo'llaridan kelgancha harakat qilishdi va bu tanlov tashkilotchilari tomonidan Toshkentda bo'lib o'tgan "SAP Discovery Day" tadbirida alohida ta'kidlandi, u yerga jamoamiz taklif etildi va yuqori natijalar ko'rsatgani, hamda mintaqaviy saralash bosqichida g'olib chiqqani uchun SAP sertifikatlari bilan taqdirlandi. Bu STARS International University talabalarini bunday global tadbirlarda eng yaxshi natijalarga erishishga undash yo‘lining ibtidosidir.