Oʻzbekistonda TOEFL va GRE imtihonlarining rasmiy hamkori

 TOEFL va GRE bilan rasmiy hamkorlik

Dunyoning eng yirik xalqaro notijorat ta'limni baholash va sinovdan o'tkazish tashkiloti - ETS Global, STARS International University universiteti bilan strategik hamkorlikni yo'lga qo'ydi.

1947-yilda AQShda tashkil etilgan ETS, hozirda dunyodagi eng mashhur TOEFL®, TOEIC®, GRE®, SAT® testlari, jumladan, dunyoning 180 dan ortiq mamlakatlarida 10 000 dan ortiq hamkor tashkilotlar orqali yiliga 50 milliondan ortiq test natijalarini ishlab chiqadi, ma'muriyatini yuritadi va qayta ishlaydi.

Ushbu hamkorlik tufayli STARS International Universityda tez orada eng nufuzli TOEFL iBT imtihonining vakolatli test markazi ishga tushiriladi. Universitet talabalari ham, dunyoning istalgan nuqtasidan bizning universitetimizni tanlagan nomzodlar ham rasmiy testlardan o'tishlari mumkin bo'ladi.