18-noyabr - O‘zbekiston Respublikasi Davlat bayrog‘i qabul qilingan kun.

STARS International Universityda O‘zbekiston Respublikasi Davlat bayrog‘i qabul qilingan kunning o‘ttiz birinchi yilligi tantanali nishonlandi. Tadbirni Universitet rektori Bahrom G‘urbonov ochib berdi.

Rektor o‘z nutqida O‘zbekiston Respublikasi Prezidenti Shavkat Miromonovich Mirziyoyevning dono rahnamoligida respublikamiz mustaqilligini mustahkamlash va yoshlarni vatanparvarlik ruhida tarbiyalash ishida davlat ramzlarining muhimligini ta’kidladi. Tadbirda shuningdek, yuridik fanlar doktori Vali Umaraliyev so‘zga chiqib, Amir Temur imperiyasi davlatchiligi shakllanishida ramzlar tarixiy rolini alohida ta’kidladi.