1-dekabr OITSga qarshi kurash kuni

O'zbekiston Sog'liqni saqlash vazirligi matbuot xizmatining OIV/OITSga qarshi kurash bo'yicha Respublika markazi direktorining o'rinbosari Gulifor Normuratovaga tayanib xabar berishicha, 2022-yil 1-yanvar holatiga ko'ra, O'zbekistonda 45 ming kishi OIV infeksiyasi bilan yashamoqda.

1-dekabr – Butunjahon OITSga qarshi kurash kuni.

Shu munosabat bilan Med Elite xususiy klinikasining direktori, tibbiyot fanlari nomzodi, urolog, spidolog Akbarov Sarvar Alisherovich STARS talabalari oldida ma'ruza qildi.

Ma'ruza davomida dunyodagi OIV pandemiyasi, ushbu virusning kelib chiqish nazariyalari, uning morfologiyasi va xususiyatlari, infeksiya klinikasining belgilari, epidemiologiyasi va yuqish yo'llari bo'yicha tushuntirishlar berildi. Shuningdek, ma'ruzachi kasallikning oldini olish va profilaktika choralari haqida batafsil to'xtaldi.